Stephen Darby lánaður

Varnarmaðurinn ungi Stephen Darby hefur verið lánaður allt næsta keppnistímabil. Þetta er í þriðja sinn sem hann er lánaður frá Liverpool. Áður hefur hann verið í láni hjá Swindon og Notts County en þar var hann á síðasta keppnistímabili. 

Að þessu sinni hefur Stephen verið lánaður til Rochdale og gildir lánssamningurinn til júní 2012. Rochdale leikur í þriðju efstu deild.

Stephen Darby er fæddur í Liverpool. Hann er alinn upp hjá Liverpool og hefur þótt einn af efnilegri leikmönnum félagsins síðustu árin en líklega þykja nú aðrir efnilegri. Stephen hefur leikið sex leiki með aðalliði Liverpool.