Tveir meiddir

Tveir leikmenn Liverpool meiddust gegn Chelsea og gáfu ekki kost á sér í landslið sín núna í vikunni. Steven Gerrard var slæmur í nára eftir leikinn og Martin Kelly meiddist á ökkla. Martin meiddist í fyrri hálfleik en harkaði af sér, lék allan leikinn og stóð sig með sóma.

Steven átti að vera með enska landsliðinu sem mætir Dönum í Kaupmannahöfn. Martin var valinn í enska undir 21. árs liðið sem leikur gegn Ítalíu. Reiknað er með því að bæði Steven og Martin verði tilbúnir í slaginn um næstu helgi þegar Liverpool mætir Wigan á Anfield Road. 

Þó nokkuð af vináttulandsleikjum fer fram núna í kvöld og annað kvöld. Töluvert af leikmönnum Liverpool verður með í þeim.