Fernando á leið í læknisskoðun hjá Chelsea

Það virðist fátt geta komið í veg fyrir að Fernando Torres yfirgefi Liverpool. Sky Sports News fullyrðir að Spánverjinn sé núna á leið í læknisskoðun hjá Chelsea.

Flestum enskum sparkmiðlum ber reyndar saman um að Liverpool og Chelsea séu búin að ná samkomulagi um vistaskipti Torres. Talið er að kaupverðið nemi allt að 50 milljónum punda.

Það gæti því farið svo að Fernando Torres léki í blárri treyju á Stamford Bridge næst komandi sunnudag, á móti Liverpool!