David klár í slaginn

Mörgum fannst undarlegt að David Ngog hafi ekki verið í liði Liverpool í Manchester á sunnudaginn. Hann skoraði jú sigurmark Liverpool gegn Unirea í næsta leik á undan.
 
Fjarvera hans átti sér þó eðlilegar skýringar. David var ekki til taks gegn Manchester City vegna þess að hann sneri sig á ökkla. David er nú búinn að ná sér og getur spilað með Liverpool gegn Unirea í kvöld. Ekki veitir af að hafa þá leikmenn til taks sem hvað líklegastir eru til að skora.

Trúlegt er að Frakkinn ungi leiði sóknina því það á að fara varlega með Fernando Torres. David er búinn að skora sjö mörk á þessu keppnistímabili.