| Heimir Eyvindarson

Gengið frá sölunni á Andriy um helgina?

Samkvæmt fréttum úr herbúðum Liverpool mun Andryi Voronin ganga til liðs við Dinamo Moskva um helgina.

Liverpool og Dinamo Moskva hafa átt í viðræðum um félagaskipti Úkraínumannsins að undanförnu og nú herma fregnir frá Liverpool að samkomulagi hafi verið náð. Voronin hefur samkvæmt þessum sömu fréttum samþykkt samkomulagið og þá er ekkert eftir nema að skrifa undir.

Ef veðrið setur ekki mikið strik í reikninginn er talið að gengið verði frá félagaskiptunum um helgina.

Kaupverðið mun vera 2 milljónir evra.
TIL BAKA
Nýlegar fréttir
Fleiri fréttir
Fréttageymslan