| Grétar Magnússon

Allt annað lið

Dirk Kuyt varar liðsfélaga sína við því að lið PSV Eindhoven sé mikið breytt frá því að liðin mættust í Meistaradeildinni tímabilið 2006-2007.  Það tímabil mættust liðin fjórum sinnum án þess að PSV næði að koma boltanum í mark Liverpool.

Kuyt segir að Liverpool menn geti ekki gengið að neinu vísu nú þegar þeir undirbúa sig fyrir leikinn á miðvikudagskvöldið.

,,Þeir eru með mikið breytt lið síðan við spiluðum við þá síðast.  Gomez, markvörðurinn þeirra er nú hjá Tottenham; Phillip Cocu hefur lagt skóna á hilluna og margir aðrir leikmenn eru farnir annað.  Þeir eru allt annað lið en eru samt það besta í Hollandi.  Þeir hafa unnið deildina sex sinnum í röð held ég, þannig að þeir eru mjög gott lið og við verðum að vera klárir."

Á meðan Liverpool landaði góðum sigri í Frakklandi í fyrstu umferð riðlakeppninnar töpuðu PSV illa á heimavelli gegn Atletico Madrid 3-0.  Kuyt segir að leikmenn Liverpool megi ekki misstíga sig nú eftir góða byrjun í riðlinum.

,,Við töluðum um að gera ekki sömu mistök og á síðasta ári (þegar liðið þurfti að vinna síðustu þrjá leikina í riðlinum) áður en við mættum Marseille.  Maður vill ekki spila leiki í riðlinum eins og við gerðum í fyrra."

,,Maður vill komast áfram í 16-liða úrslitin eins fljótt og hægt er.  Við yfirstigum risastóra hindrun með því að sigra Marseille á þeirra heimavelli og við vitum að við gætum lent í vandræðum ef við vinnum ekki PSV.  Við verðum að einbeita okkur að þeim leik og muna að á síðasta tímabili töpuðum við á heimavelli gegn Marseille."

TIL BAKA
Nýlegar fréttir
Fleiri fréttir
Fréttageymslan