Fánadagur á morgun á Akureyri

Á morgun verður einn af hinum rómuðu Fánadögum haldinn hátíðlegur á heimavelli Liverpool stuðningsmanna á Norðurlandi, Allanum Sportbar.  Húsið opnar klukkan 10:30 og verður mikið um að vera.  Búast má við magnaðri stemmningu og það er ekkert sem heitir, nú troðfyllum við húsið og fylgjumst svo með sannkölluðum nágrannaslag í beinni þegar okkar menn taka á bláliðunum í Everton.  Nú verður þakið látið lyftast á kofanum.

Eins og áður sagði þá verður margt að gerast, að vanda verða veitt glæsileg verðlaun fyrir flottasta "átfittið" bæði hjá yngri og eldri stuðningsmönnum félagsins.  Getraunin verður á sínum stað og svo munu 5 fjörfuglar úr stjórn klúbbsins mæta á svæðið, taka við skráningum og vera til skrafs og ráðagerða um allt sem tengist klúbbnum.

Samstarfsaðilar klúbbsins á Norðurlandi, Allinn Sportbar og Toppmenn & sport, munu að sjálfsögðu styðja vel við bakið á þessum fánadegi sem og öðrum sem haldnir verða á þessu tímabili. 

Það eina sem þú þarft að gera Poolari góður er að dressa þig upp, mæta á svæðið og leggja þitt af mörkum við að skapa frábæra stemmningu.  Fánar, treflar, búningar og góða skapið.  Þetta er bara ekkert flókið.

YNWA