Varð að fara

Steve Finnan yfirgaf Liverpool í síðustu viku og gekk til liðs við Espanyol á Spáni. Það kom kannski ekki á óvart að Steve færi því hann var ekkert búinn að spila á þessari leiktíð. Írinn segist þó ekki hafa viljað yfirgefa Liverpool en ekki átt annarra kosta völ.

"Það er spennandi að fara til frábærs félags á Spáni. En sannleikurinn er sá að ég vildi ekki fara neitt og þetta kom mér allt algjörlega á óvart. Það lá hins vegar fyrir að ég fengi ekkert að spila ef ég yrði um kyrrt og því átti ég eiginlega ekki annan kost en að færa mig um set."