Skrtel og Torres æfðu í dag

Martin Skrtel og Fernando Torres fóru meiddir af velli gegn Chelsea á miðvikudagskvöldið en þær góðu fréttir bárust af þeim í dag að þeir hefðu verið með á æfingu.  Þeir ættu því að vera klárir í slaginn gegn Manchester City á sunnudaginn.

Skrtel fór af velli í fyrri hálfleik og Torres í framlengingunni og því var óttast að þeir gætu ekki spilað á sunnudaginn.  Þess má líka geta að Harry Kewell er orðinn heill af sínum meiðslum.

,,Kewell æfði í dag, sem er jákvætt," sagði Rafa Benítez.

,,Fernando æfði einnig, Skrtel tók þátt í æfingunni og eins og þið vitið þá eru þeir Agger og Fabio Aurelio ennþá meiddir, þannig að það eru í raun ekki neinar slæmar fréttir af meiðslum."