Steven stoltur!

Steven Gerrard var stoltur eftir sigur Liverpool á Blackburn í gær. Hann lék mjög vel, skoraði eitt mark og lagði annað upp. Þetta var 300. deildarleikur hans með Liverpool.

“Mér finnst bara vera nokkrir dagar síðan ég lék minn fyrsta deildarleik. Í dag er ég mjög stoltur eftir að hafa náð að leika svona marga leiki. Þetta var góður dagur. Við spiluðum vel og það eina sem skyggði á var að við skyldum fá mark á okkur undir lokin. Blackburn lék vörnina vel og við urðum að vera þolinmóðir en það endaði með því að færin komu. Það var mikilvægt að ná fimm stiga forystu á Everton. Kapphlaupið um fjórða sætið heldur áfram en við höfum trú á því að við munum ná sætinu."

Alls hefur Steven Gerrard leikið 435 leiki með Liverpool. Hann hefur skorað 96 mörk í þeim leikjum. 

Steven er nú búinn að skora 21 mark á leiktíðinni og gæti slegið markamet sitt frá leiktíðinni 2005/2006 en þá skoraði hann 23 mörk.