| Sf. Gutt

Harry Kewell farinn til æfinga með Áströlum

Harry Kewell hefur ekki komist í aðallið Liverpool að undanförnu. Hann ákvað því að biðja Rafael Benítez um leyfi til að fara til Austurlanda fjær í æfingabúðir með ástralska landsliðinu. Rafael gaf honum fararleyfi.

Reyndar er hér ekki um eiginlegt aðallandslið Ástrala því flestir í landsliðshópnum eru ungliðar. Harry taldi samt að hagsmunum sínum væri betur varið með því að reyna að koma sér í gang með hinum ungu löndum sínum frekar en að æfa með aðalliði Liverpool. Harry hefur ekki spilað með Liverpool frá því hann kom inn sem varamaður í bikarleiknum illræmda gegn Barnsley.

Harry Kewell var nú í vikunni orðaður við Glasgow Celtic og virðist nú allt útlit á að dagar Ástralans hjá Liverpool séu að verða taldir. Núverandi samningur hans við Liverpool rennur út í sumar.

 

 

 

TIL BAKA
Nýlegar fréttir
Fleiri fréttir
Fréttageymslan