Andriy Voronin úr leik næstu vikur

Úkraínumaðurinn Andriy Voronin er úr leik næstu vikurnar. Hann meiddist á æfingu í vikunni. Til að byrja með var ekki talið að hann yrði lengi frá en eftir nánanari skoðun kom í ljós að meiðslin voru alvarlegri en fyrst var talið. Læknar Liverpool telja að Andriy verði frá leik upp í sex vikur.

Andriy Voronin hefur leikið 21 leik með Liverpool á þessari leiktíð og skorað fjögur mörk. Úkraínumaðurinn hóf leiktíðina vel en hann hefur ekki náð sér á strik síðustu vikurnar. Það er á hinn bóginn vont að missa leikmenn í meiðsli hver svo sem það er.