| AB

Ruslakarl, leigubílstjóri og öryggisvörður leika á Anfield

Ruslakarl, leigubílstjóri og öryggisvörður eru meðal þeirra starfsheita sem leikmenn Havant bera en þeir mæta Liverpool á morgun á Anfield í ensku bikarkeppninni. Þeir hlakka auðvitað til og hafa sumir þeirra farið í klippingu.

Ruslakarlinn Tony Taggart er vinstri kantur utandeildarliðsins Havant and Waterlooville. Hann mætti oft Joe Cole þegar hann var yngri en nú er hlutskipti þeirra ólíkt. Hann getur þó líkt og Joe Cole hlakkað til að leika á Anfield: "Ég fór í klippingu í gær hjá lukkurakaranum mínum. Þetta var bara 14 punda snyrting þannig að ég líti vel út í sjónvarpinu. Ég fór í klippingu á sama stað fyrir aðra umferð bikarsins og þá skoraði ég sigurmarkið gegn Notts County þannig að vonandi þarf Jose Manuel Reina að sækja boltann úr netinu á meðan ég fagna fyrir framan Kop."

Aðalmarkaskorari Havant er Rocky Baptiste sem er að leigubílstjóralærlingur. Hann skutlar jafnan Tony á æfingar enda á hann ekki bíl sjálfur. Tony er þó ánægður með starfið sitt að einu leyti: "Starfið heldur mér í formi því að ég labba allan daginn og lyfti tunnum þannig að ég held að enginn leikmaður Liverpool sé í betra formi en ég."

TIL BAKA
Nýlegar fréttir
Fleiri fréttir
Fréttageymslan