Nicolas Anelka sér eftir Liverpool

Nicolas Anelka sem að nú á dögunum gekk í raðir Chelsea manna fyrir tæpar fimmtán milljónir punda frá Bolton Wanderers var lánsmaður hjá Liverpool hluta leiktíðarinnr 2001/2002. Hann skoraði þá fimm mörk í 22 leikjum. Þrátt fyrir að hann hafi sýnt góð tilþrif á köflum þá ákvað Gerard Houllier, þáverandi framkvæmdastjóri Liverpool, að kaupa hann ekki til liðsins og í staðinn hélt hann til Manchester City.

"Ég sé mikið eftir því að hafa ekki getað gengið til liðs við Liverpool og úrslitin úr leikjum þeirra eru þau fyrstu sem ég horfi eftir að loknum leikjum. Þegar ég var þar þá vildi ég skrifa undir hjá félaginu. Þetta var dásamlegt og ég hélt að það sem að ég gerði á vellinum var nægilega gott til að ég yrði keyptur."

Nicolas Anelka hefur átt stormasaman ferill og hefur leikið með Liverpool, Arsenal, Paris Saint-German, Fenerbache, Real Madrid, Manchester City, Bolton Wanderers og Chelsea. Enginn leikmaður í knattspyrnusögunni hefur verið seldur fyrir jafn háa upphæð. Þó er hann aðeins 28 ára gamall.

Sem fyrr segir þá ákvað Gerard Houllier að semja ekki við Nicolas Anelka. Stuðningsmenn Liverpool vildu margir fá Nicolas enda var hann búinn að standa sig vel. Reyndar hafði Nicoas ekki mjög gott orð á sér á þessum tíma vegna vandræðagangs en það voru engin vandræði í kringum hann hjá Liverpool. Gerard Houllier bað stuðningsmenn Liverpool að treysta sér, í þessu máli, því hann væri með annan leikmann í sigtinu og væri sá betri en Nicolas. Gerard náði þessum leikmanni til Liverpool. Sá heitir El Hajdi Diouf!