Jermaine Pennant frá í tíu vikur!

Skv. fréttum á opinberu heimasíðu Liverpool, Liverpoolfc.tv verður Jermaine Pennant frá í tíu vikur vegna aðgerðar sem hann fer í eftir helgi.

Talsmaður Liverpool Ian Cotton sagði: "Síðustu átta vikur hefur Jermaine verið að basla við þessi meiðsli á Melwood milli leikja"

"En vandamálið varð enn verra í leiknum gegn Besiktas og nú hefur verið ákveðið að hann muni gangast undir aðgerð"

"Við búumst við því að Jermaine verði frá í u.þ.b 10 vikur"

Það er ljóst að þetta er mikið áfall fyrir Liverpool og ekki síður Jermaine Pennant sjálfan en við vonum að hann verði fljótur að jafna sig á þessum meiðslum.