Verður Harry með varaliðinu á fimmtudag?

Gary Ablett þjálfari varaliðs Liverpool stefnir að því að tefla fram bæði Harry Kewell og Fabio Aurelio þegar liðið mætir varaliði Newcastle á fimmtudag.

Kewell hefur verið frá keppni síðan hann meiddist í Rotterdam á undirbúningstímabilinu. Fabio Aurelio er einnig á batavegi eftir smávægileg meiðsl, en hann er sem kunnugt er nýstiginn upp úr mjög alvarlegum meiðslum.

"Vonandi geta Harry og Fabio tekið þátt í leiknum gegn Newcastle. Þeir æfa vel núna en við verðum að tala við sjúkraþjálfarann og lækninn til að sjá hvort þeir geti komið sér í betri æfingu í leiknum," segir Ablett.