Carra líkar það sem hann hefur séð af Úkraínumanninum

Úkraínski framherjinn Andriy Voronin sem að gekk til liðs við Liverpool á frjálsri sölu frá Bayer Leverkusen nú í sumar hefur heillað marga stuðningsmenn félagsins með mjög góðum árangri í þeim æfingaleikjum sem að liðið hefur leikið í sumar. Hann hefur skorað tvö mörk í þremur leikjum og spilað geysilega vel.

Jamie Carragher sagði þetta við opinbera heimasíðu Liverpool: "Hann spilaði mjög vel. Hann er reyndur landsliðsmaður og leikur þar við hlið Andriy Shevchenko og stendur sig mjög vel. Aðalmálið þessa stundina er að koma sér í form og vera tilbúinn fyrir tímabilið og vonandi getur hann haldið uppteknum hætti í deildinni.

Hann skoraði tvö flott mörk í Sviss á móti Werder Bremen og var mjög hættulegur gegn Crewe. Það yrðu frábærar fréttir fyrir okkur ef að honum tekst að halda þessu áfram í deildinni."