Af Suður Ameríkukeppninni

Chíle komst áfram í Suður Ameríkukeppninni í nótt. Mark Gonzalez lagði sitt af mörkum til þess þegar Chíle og Mexíkó gerðu markalaust jafntefli. Mark var reyndar ekki í byrjunarliðinu en kom inn sem varamaður og lék lokakafla leiksins. Hann lét lítt að sér kveða. Leikurinn var bragðdaufur og fátt um fína drætti.

Í  hinum leik riðilsins áttust Brasilíumenn og Ekvador við. Brasilía vann 1:0. Robinho, leikmaður Real Madrid, skoraði sigurmarkið úr vítaspyrnu.

Mexíkó hlaut sjö stig í þessum riðli. Brasilía fékk sex stig og Chíle fjögur. Ekvador rak lestina án stiga. Þrjú efstu liðin eru komin áfram í keppninni. Mark Gonzales er því ekki enn kominn í sumarfrí.