Landsliðsfréttir
Enska undir 21. árs liðið gerði sitt annað jafntefli, í jafn mörgum leikjum, í úrslitakeppni Evrópukeppni landsliða. Liðið gerði 2:2 jafntefli við Ítali og fór illa að ráði sínu. Enska liðið byrjaði nefnilega frábærlega og komst tveimur mörkum yfir. David Nugent, uppeldissonur Liverpool, sem leikur með Preston skoraði á 24. mínútu. Tveimur mínútum seinna jók Leroy Lita, leikmaður Reading, forystuna. Hann bætti þar með fyrir að hafa misnotað vítaspyrnu í fyrsta leiknum gegn Tékkum. Ítalir gáfust hins vegar ekki upp og Giorgio Chiellini minnkaði muninn á 35. mínútu. Alberto Aquilani jafnaði svo metin á 69. mínútu. Þar við sat þrátt fyrir marktækifæri á báða bóga. Englendingar leika við Serba um helgina og þá ræðst hvort liðið kemst í undanúrslit.
Scott Carson jafnaði landsleikjametið í þessum aldursflokki í þessum leik. Hann lék sinn 27. landsleik og jafnaði met sem Jamie Carragher og Gareth Barry, leikmaður Aston Villa, áttu. Scott hefur að auki leikið tvo B landsleiki en hefur enn ekki leikið með aðalliðinu þrátt fyrir að hafa verið nokkrum sinnum valinn í þann hóp.
-
| HI
Úr leik í Evrópudeildinni -
| Sf. Gutt
Conor Bradley meiddur -
| Sf. Gutt
Verðum að hafa trú á verkefninu! -
| Sf. Gutt
Við höldum baráttunni áfram! -
| Sf. Gutt
Í minningu -
| Sf. Gutt
Köld vatnsgusa! -
| Sf. Gutt
Ruben Amorim vísar öllu á bug! -
| Sf. Gutt
Conor Bradley með gullverðlaun -
| Sf. Gutt
Óvænt tap! -
| Sf. Gutt
Átta liða úrslit