Makleg málagjöld
Enska knattspyrnusambandið dæmdi í dag Michael Brown, leikmann Fulham, í þriggja leikja bann. Hann skallaði Xabi Alonso viljandi í leik Liverpool og Fulham á Graven Cottage á laugardaginn. Þetta gerðist í fyrri hálfleik í leiknum. Leikmennirnir börðust um boltann. Boltinn barst frá þeim og dómarinn leit frá. Um leið skallaði Michael Xabi í andlitið svo úr blæddi. Það ótrúlega var að hvorki dómarinn né aðstoðarmenn hans sáu neitt. Reyndar gat dómarinn ekki séð atvikið því hann leit undan. Með réttu hefði Michael átt að vera rekinn af leikvelli. Reyndar sagði Michael að hann hefði rekist óviljandi í Xabi en ég efast um að nokkur maður trúi því. Rafael Benítez var fjúkandi reiður út af þessu atviki eftir leikinn. "Þetta var augljóst og allir sáu það. Ef þeir sem dæmdu leikinn hefðu séð atvikið hefði það getað breytt leiknum."
Það var svo nú eftir helgina að Enska knattspyrnusambandið ákærði Michael Brown fyrir atvikið. Úrskurðurinn birtist í dag. Michael fær þriggja leikja bann og verða það að teljast makleg málagjöld þó þau gagnist Liverpool ekki neitt úr því sem komið er. En rétt skal vera rétt.
-
| HI
Aftur niður á við -
| Sf. Gutt
Diogo Jota meiddur -
| Mummi
Aðalfundur Liverpoolklúbbsins 28. maí 2024 -
| Sf. Gutt
Nýr talinn líklegur eftirmaður Jürgen Klopp! -
| Sf. Gutt
Mark númer 100! -
| Sf. Gutt
Markmiðið er að vinna alla leikina! -
| Sf. Gutt
Í rétta átt! -
| Sf. Gutt
Við erum vonsviknir! -
| HI
Úr leik í Evrópudeildinni -
| Sf. Gutt
Conor Bradley meiddur