Scott Carson leikmaður ársins hjá Charlton

Scott Carson, markvörðurinn ungi, hefur verið valinn Leikmaður ársins af stuðningsmönnum Charlton.  Scott Carson hefur spilað hvað best allra leikmanna Charlton sem hafa verið í bullandi fallbaráttu allt tímabilið.

Scott Carson varð fyrsti leikmaðurinn sem er á láni hjá Charlton sem hlýtur þennan heiður en Darren Bent, sigurvegari síðasta árs, varð í öðru sæti.

Það er því augljóst að Scott Carson er markvörður framtíðarinnar. Vonandi nær Liverpool að halda honum innan sinna raða.