Danny Guthrie verður lengur hjá Southampton

Liverpool og Southampton hafa komist að samkomulagi að framlengja lánssamningi Danny Guthrie til vorsins. Samningurinn átti upphaflega að gilda í einn mánuð.

Danny Guthrie hefur staðið sig vel hjá Southampton og mun hann nú vera hjá sunnanmönnum allt til loka tímabilsins. George Burley segist vera mjög ánægður með hvernig Danny hefur staðið sig og telur hann mjög efnilegan.

Southampton eru í harðri baráttu um sæti í umspili í næst efstu deild og eru aðeins fjórum stigum frá sæti sem gefur rétt til þátttöku í umspili. Liðið er nú í áttunda sæti í deildinni.