| Sf. Gutt

Í hnotskurn

Ásættanleg úrslit í Hollandi. Liverpool hélt markinu hreinu í fyrsta sinn á leiktíðinni. Þetta er leikur Liverpool og PSV Eindhoven í hnotskurn.

- PSV Eindhoven var stofnað árið 1913.

- Gælunafn félagsins er Bændurnir.

- PSV Eindhoven varð hollenskur meistari í 19. sinn á síðustu leiktíð.

- Liðið vann Evrópubikarinn árið 1988 eftir að vinna Benfica 6:5 í vítaspyrnukeppni. Ronald Koeman, núverandi þjálfari PSV, varð Evrópumeistari. Hann varð svo Evrópumeistari með Barcelona 1992.

- PSV vann Evrópukeppni félagsliða 1978.  

- Þetta er ellefta leiktíð PSV í Meistaradeildinni.

- Rafael Benítez tefldi fram tveimur Hollendingum í Hollandi. Boudewijn Zenden og Dirk Kuyt fengu að leika í heimalandi sínu.

- Boudewijn spilaði þarna gegn liðinu sem hann hóf knattspyrnuferil sinn hjá í Hollandi.

- Jan Kromkamp spilaði gegn Liverpool aðeins tólf dögum eftir að hann yfirgaf félagið. Hann hóf leiktíðina hjá Liverpool en var seldur til PSV í lok ágúst.

- Jan lék 18 leiki með Liverpool. Hann nýtti tíma sinn hjá Liverpool vel því hann vann F.A. bikarinn á meðan hann staldraði við á Englandi.

Jákvætt:-) Liverpool náði stigi á erfiðum útivelli og í fyrsta sinn á leiktíðinni náði liðið að halda markinu hreinu. Liðið lék í heildina séð vel.

Neikvætt:-( Það var sárt að sjá skotið hjá Steven Gerrard hafna í stönginni á síðustu mínútu leiksins.

Þrír bestu leikmenn Liverpool samkvæmt Liverpoolfc.tv:

1. Daniel Agger. Mjög yfirvegaður leikur hjá danska landsliðsmanninum. Daniel braut margar sóknir á bak aftur og lék mjög vel við hliðina á Jamie Carragher.

2. Dirk Kuyt. Lék mjög vel í sínum fyrsta leik í byrjunarliði Liverpool. Dirk leiddi sóknina vel og var óheppinn að skora ekki eftir magnað einstaklingsframtak í síðari hálfleiknum.  

3. Stephen Warnock. Kom í stöðu vinstri bakvarðar eftir meiðsli og lék vel. Eins og venjulega lagði hann sig allan fram fyrir liðið.

TIL BAKA
Nýlegar fréttir
Fleiri fréttir
Fréttageymslan