Er David Martin Kirkland númer 2?

David Martin hefði verið á bekknum gegn Sheffield United á Anfield en var lánaður til Accrington Stanley í staðinn. Hann entist ekki lengi í leiknum sem hann spilaði...

Martin byrjaði inná í leik Accrington Stanley gegn Lincoln City í neðstu deild í Englandi. Hann hefur eflaust vilja sanna getu sína í alvörudeildarleik og því var þetta fyrirtaks tilbreyting frá því að leika með varaliði Liverpool.

Martin meiddist á ökkla og varð að skipta honum útaf á fimmtu mínútu! Það lítur því út fyrir að Martin muni snúa aftur til Liverpool ef útlit er fyrir að meiðslin séu það alvarleg að hann geti ekki leikið meira með á lánstíma sínum sem rennur út 22. mars. Vonandi verður Martin heppnari með meiðsli en Chris Kirkland en ekki boðar þetta gott!