Momo er ekki illa meiddur

Momo Sissoko var borinn útaf gegn Barcelona á miðvikudagskvöldið og leist mönnum ekki á blikuna. Það yrði gríðarlegt áfall að hafa hann ekki með gegn Man Utd og Barcelona á Anfield.

Lítið hefur verið sagt frá meiðslum hans nema það var ein setning á Liverpool Echo vefnum í gær þar sem kom fram að meiðsli hans væru ekki alvarleg. Það var ef til vill góðs viti að ekkert var rætt um þetta á opinbera vefnum.

Rafa tjáði sig loks um Momo í dag og sagði eftirfarandi: "Momo talaði við lækninn og virðist vera í góðum málum. Við munum ákveða hvort hann verði með á morgun eftir æfingu í dag."

Þó að Momo missi af leiknum á morgun gegn Sheffield United er það yfirstíganlegt en það er nauðsynlegt að hann verði til í slaginn gegn United og Barca til að stjórna miðjunni líkt og á Nou Camp.