Darren Potter seldur
Úlfarnir keyptu í dag Darren Potter en hann hefur verið á láni hjá þeim það sem af er þessu tímabili. Darren þótti um tíma einn efnilegasti leikmaður Liverpool. Hann náði þó aldrei almennilega að sýna sig og sanna hjá Liverpool en tókst þó að leika seytján leiki fyrir hönd félagsins. Á síðustu leiktíð var Darren um tíma í láni hjá Southampton.
Darren Potter hefur verið að spila mjög vel með Úlfunum í ensku fyrstu deildinni og skoraði sitt fyrsta mark fyrir félagið í FA bikarnum gegn Oldham í vikunni. Markið þótti mjög fallegt en Darren skoraði þá með fallegu langskoti. Hann hefur leikið rúmlega tuttugu leiki á leiktíðinni fyrir Úlfana.
Þótt hann sé fæddur í Liverpool þá lék hann alla tíð með yngri landsliðum Íra. Á þessari leiktíð komst hann í B landslið Íra og lék einn landsleik með því.
Talið er að Liverpool fái núna um 250.000 sterlingspund fyrir Darren Potter. Upphæðin mun þó geta hækkað upp í hálfa milljón gangi skilyrði í kaupsamningnum eftir. Vonandi gengur honum allt í haginn hjá Úlfunum. Það myndi að minnsta kosti þýða að Liverpool fengi meira fyrir hann!
-
| Sf. Gutt
Af spjöldum sögunnar! -
| Sf. Gutt
Gleðilegt sumar! -
| HI
Aftur niður á við -
| Sf. Gutt
Diogo Jota meiddur -
| Mummi
Aðalfundur Liverpoolklúbbsins 28. maí 2024 -
| Sf. Gutt
Nýr talinn líklegur eftirmaður Jürgen Klopp! -
| Sf. Gutt
Mark númer 100! -
| Sf. Gutt
Markmiðið er að vinna alla leikina! -
| Sf. Gutt
Í rétta átt! -
| Sf. Gutt
Við erum vonsviknir!