Rafa treystir Reina

Rafa Benítez hefur fulla trú á að Jose Reina og leikmenn Liverpool mæti sterkir til leiks gegn PSV í Meistaradeildinni annað kvöld eftir niðurlæginguna gegn litla bróður á laugardaginn.

"Ég treysti Pepe Reina fullkomlega og hann er mjög góður markmaður. Pepe hélt 33 sinnum hreinu á síðasta tímabili og var frábær. Ég ræddi við hann eftir leikinn á laugardaginn og honum fannst hann hefði getað gert meira í fyrstu tveimur mörkunum en ég sagði það af og frá vegna þess að við vörðumst ekki vel. Hann gerði mistök í þriðja markinu og hann veit vel af því. Við verðum að bæta varnarleik okkar og það er mjög gott að eiga leik á þriðjudaginn eftir tapið á laugardaginn til þess að komast á beinu brautina í leiknum gegn PSV Eindhoven."