Darren Potter er farinn í lán til Wolves

Darren Potter var í dag formlega lánaður til Wolverhampton Wanderes. Írinn ungi verður þar í láni út þessa leiktíð. Honum hefur verið úthlutað númerinu 14 hjá Úlfunum. Darren þykir efnilegur miðjumaður en það er þó óvíst hvort að Rafael Benítez og samverkamenn hans telji hann góðan til að spila í aðalliði Liverpool.

Darren hefur hingað til leikið seytján leiki með aðalliði Liverpool. Hann hefur leikið með yngri landsliðum Íra nú síðast með undir 21. árs liðinu. Á seinni hluta síðustu leiktíðar var Darren í láni hjá Southampton.