| Sf. Gutt

Bikarmeistararnir koma heim!

Liverpool vann Ensku bikarkeppnina í sjöunda sinn í gær eftir að hafa lagt West Ham United að velli 3:1 í vítaspyrnukeppni eftir að ævintýralegum leik lauk með 3:3 jafntefli. Þessi 125. úrslitaleikur keppninnar er nú þegar flokkaður með þeim allra bestu í sögu keppninnar.

En nú er  F.A.bikarinn kominn til Liverpool og farið verður með þennan merka grip í sýningarferð um götur borgarinnar eftir hádegið í dag. Ekið verður um götur Liverpool á opnum strætisvagni. Leikmenn og forráðamenn Liverpool munu hampa bikarnum og ekki er ólíklegt að fjölskyldumeðlimir fái að fljóta með!

Ekki er að efa að fjöldi stuðningsmanna Liverpool á eftir að fara út á stræti borgarinnar til að hylla bikarmeistarana. Allir muna þegar hátt í ein milljón manns hyllti Evrópumeistara Liverpool þegar þeir sneru heim eftir að hafa unnið Evrópubikarinn í Konstantínópel í fyrravor. Varla verða eins margir á götum Liverpool í dag en þó er víst að stuðningsmenn Liverpool munu taka fram trefla og fána til að fagna sjöundu komu F.A. bikarsins til Liverpool.

TIL BAKA
Nýlegar fréttir
Fleiri fréttir
Fréttageymslan