Spennandi leikur í uppsiglingu
Það er óhætt að segja að spennan magnist með hverri klukkustundinni sem líður. Bikarúrslitaleikurinn í Cardiff hefst klukkan þrjú að staðartíma í dag. Í herbúðum beggja liða fer allt að verða til reiðu. Leikmenn Liverpool æfðu í síðasta sinn á Melwood í gærmorgun áður en liðið hélt til Cardiff.
Einhverjir stuðningsmenn Liverpool eru nú þegar komnir til Cardiff en meginhluti þeirra heldur til borgarinnar á leikdegi. Vandamálið sem skapaðist vegna stolinna miða hefur sett strik í reikninginn hjá stuðningsmönnum Liverpool og líklega munu einhvrjir missa af leiknum af þeim sökum. Forráðamenn Liverpool hafa þó gert allt sem í þeirra valdi hefur staðið til að útvega hinum ólánsömu miða. En leikmenn Liverpool munu þó geta reitt sig á stuðning Tólfta mannsins. Þeir sem verða á stæðunum munu bara syngja hærra fyrir þá sem hugsanlega hafa ekki komist.
Evrópumeistararnir eru taldir sigurstranglegri en þar á bæ varast menn að vanmeta West Ham United. Leikmenn Liverpool eru samt staðráðnir í að vinna Ensku bikarkeppnina í sjöunda sinn. Þeir hafa yfirstigið hverja hindrunina af annarri á leið sinni til Cardiff. Nú bíður sú síðasta. Eins og allir muna vann Liverpool fyrsta úrslitaleikinn um F.A. bikarinn sem fram fór í Wales. Það væri sérlega gaman ef liðið endaði síðasta úrslitaleikinn um Enska bikarinn í Cardiff með sigri í dag. Veitum nú okkar mönnum allan þann stuðning sem við getum. Upp með trefla og fána. You´ll Never Walk Alone!!!!!!!
-
| HI
Aftur niður á við -
| Sf. Gutt
Diogo Jota meiddur -
| Mummi
Aðalfundur Liverpoolklúbbsins 28. maí 2024 -
| Sf. Gutt
Nýr talinn líklegur eftirmaður Jürgen Klopp! -
| Sf. Gutt
Mark númer 100! -
| Sf. Gutt
Markmiðið er að vinna alla leikina! -
| Sf. Gutt
Í rétta átt! -
| Sf. Gutt
Við erum vonsviknir! -
| HI
Úr leik í Evrópudeildinni -
| Sf. Gutt
Conor Bradley meiddur