Mauricio Pellegrino hafnaði Liverpool

Mauricio Pellegrino sem kom frá Valencia og lék 13 leiki með Liverpool á síðustu leiktíð, hafnaði tilboði Liverpool um að taka við varaliði félagsins af Paco Herrera. Argentínumaðurinn hefur ávallt verið í miklum metum hjá Benítez ef marka má bók Paco Lloret um Rafa þar sem kemur fram að Mauricio hafi verið augu og eyru Rafa inná á vellinum hjá Valencia.

Mauricio Pellegrino náði ekki að aðlagast hraðanum í enska boltanum en Rafa efast greinilega ekki um skipulagshæfileika hans frekar en fyrri daginn. En Mauricio valdi fremur að spila eina leiktíð í viðbót með Alaves áður en hann myndi leggja skóna á hilluna. Það verður fróðlegt að sjá hvern Rafa ræður í starfið.