Carson líklega í markinu gegn Luton

Líklegt er talið að Scott Carson muni fá tækifæri með aðalliðinu þegar Liverpool mætir Lutin í ensku bikarkeppninni á Kenilworth Road í Lundúnum á laugardag.

Carson hefur lítið leikið með Liverpool í vetur þar sem Jose Reina hefur staðið sig með prýði í markinu. Það er því væntanlega vel þegið að fá tækifæri með liðinu á laugardag.

Að öðru leyti er búist við að Liverpool tefli fram sterku liði á laugardag. Jafnvel er ekki loku fyrir það skotið að Jan Kromkamp leiki sinn fyrsta leik með Liverpool í þessum leik.