Owen: Það verður einkennilegt að leika gegn Liverpool
Michael Owen viðkennir fúslega að það verði einkennilegt að koma á Anfield á annan í jólum sem leikmaður Newcastle.
Owen vonast eftir góðum móttökum hjá stuðningsmönnum Liverpool en segist þó munu einbeita sér 100% að því að standa sig fyrir Newcastle og vonast til að skora gegn sínu gamla félagi. Hann segist hins vegar bera mikla virðingu fyrir Rafael Benítez sem reyndi að fá hann aftur á Anfield rétt áður en félagaskiptaglugginn lokaði í haust.
„Þetta verður auðvitað sérstakur dagur með tilliti til sterkra og langra tengsla minna við Liverpool, þó stuðningsmenn Liverpool hafi auðvitað oft áður tekið á móti fyrrum leikmönnum liðsins á Anfield. Ég veit samt að þeir hafa fullan skilning á því að ég mun einbeita mér 100% að því að ná góðum leik fyrir það lið sem ég nú leik fyrir.
Ég man t.d. eftir samtali okkar Jamie Carragher hér fyrir nokkru síðan þegar við sáum leikmann sem virtist hnugginn yfir því að hafa skorað gegn fyrrum félögum sínum. Ég held að hvorugur okkar hafi skilið þau viðbrögð og ef ég skora núna mun ég svo sannarlega fagna innilega, líkt og ég gerði gegn West Ham síðastliðinn laugardag.
Mér mun ekki líða illa eða skammast mín, en ég mun heldur ekki hlaupa sigri hrósandi að varamannaskýli Liverpool með tvö fingur á lofti. Af hverju ætti ég að gera það? Rafael Benítez kom mjög heiðarlega og hreinskilningslega fram við mig þegar ég fór til Real Madrid og síðan reyndi hann að kaupa mig aftur til liðsins í ágúst. Því skildi ég þá vera eitthvað svekktur út í hann eða nokkurn annan á Anfield?“ segir þessi mikli markaskorari og fyrrum hetja Liverpool.
Það er ljóst að stuðningsmenn Liverpool bíða spenntir eftir kappanum þó sumir vildu eflaust frekar sjá hann í rauðri treyju en röndóttri.
-
| Sf. Gutt
Sepp hefur komið sterkur inn -
| Sf. Gutt
Ben Doak orðinn heill heilsu -
| Sf. Gutt
Cody Gakpo einn af sex markakóngum! -
| Sf. Gutt
Tap í æfingaleik -
| Sf. Gutt
Fimm komnir til æfinga -
| Sf. Gutt
Æfingaleik bætt við -
| Mummi
Liverpool Open - Golfmót -
| Sf. Gutt
Af Suður Ameríkukeppninni -
| Sf. Gutt
Spánn Evrópumeistari! -
| Sf. Gutt
Af Suður Ameríkukeppninni