Liverpool mætir Deportivo Saprissa

Deportivo Saprissa sigraði Sydney FC 1-0 í morgun með marki Bolanos á 47. mínútu. Það var kalt í veðri og hálfgerður göngubolti í boði. Ef miðað er við frammistöðu Saprissa í þessum leik mun Liverpool ekki eiga í teljandi erfiðleikum með að ryðja þeim úr vegi á fimmtudagsmorgunn. Leikurinn hefst klukkan 10:20 og verður í beinni á Sýn.

Deportivo Saprissa koma frá borginni San Jose á Kosta Ríka og eru sigursælasta lið landsins.  Þeir unnu "Meistaradeildina" í Norður-Ameríku með því að leggja Mexíkóskt lið að velli í tveimur leikjum.  Þjálfari þeirra heitir Hernan Medford og liðið er í daglegu tali kallað "Fjólubláu skrímslin".