Warnock var bætt við enska landsliðshópinn í dag

Þetta er í annað skiptið sem Warnock er kallaður í landsliðshópinn en hann var í hópnum í leikjunum gegn Wales og Norður Írlandi í síðasta mánuði.

Sven Göran Eriksson sagði á blaðamannafundi í dag að það væru vonbrigði að missa Cole út vegna meiðsla.  Hann bætti hinsvegar við að það væri þónokkuð mikið um leikmenn sem geta leyst stöðu vinstri bakvarðar en hann hefði engu að síður ákveðið að kalla Warnock inn vegna meiðsla Cole.