Miðasala á Liverpoolleiki

Liverpoolklúbburinn á Íslandi er með til sölu miða á þrjá leiki fram að áramótum:

- Liverpool – Everton sem fer fram 20. september 2025 kl. 11:30

- Liverpool – Aston Villa sem er áætlað að fari fram 1. nóvember 2025 kl. 15

- Liverpool – Nottingham Forest sem er áætlað að fari fram 22. nóvember 2025 kl. 15

Opnað verður fyrir sölu í dag 21.08.2025 kl. 13:00.

ATH. Sala fer eingöngu fram í gegnum Abler og í stað þess að fyrstur kemur fyrstur fær þá skrá allir sig á biðlista og þegar þeirri skráningu er lokið kl. 16:00, þann 25.08.2025 munum við taka öll nöfnin og draga úr þeim eins og lottói. Við vonum að þetta verði til þess að allir sitji við sama borð.

Útdrátturinn verður í beinni útsendingu á mánudaginn 25.08.2025 kl. 19:00 á Facebook síðu klúbbsins Liverpoolklúbburinn á Íslandi og á instagramsíðu klúbbsins #lfcice. Hægt verður að skrá sig á biðlista fyrir miðum til mánudagsins 25.08.2025 til kl. 16:00. Verð fyrir hvern miða er aðeins 15.000 krónur. Einungis skráðir félagar sem hafa greitt árgjaldið eiga möguleika að kaupa miða. Til að kaupa miða þarf að fara inná https://abler.io/shop/liverpoolklubburinn eða Abler appið og kaupa miðana þar í gegnum markaðstorgið.

Í boði er að kaupa 2 miða á mann. Við getum ekki ábyrgst að miðarnir séu hlið við hlið en við reynum eftir fremsta megni að raða því þannig niður en því miður fáum við ekki alltaf úthlutað öllum miðum saman. Í flestum tilfellum fær fólk miða saman. Allar nánari upplýsingar eru veittar í gegnum netfangið [email protected]