Úr leik!

Kvennalið Liverpool féll í gær úr leik í bikarkeppni kvenna. Liðið tapaði á grátlegan hátt í undanúrslitum keppninnar. Liverpool mætti Chelsea og komst yfir á 21. mínútu þegar Olivia Smith skoraði. Liverpool leiddi þar til í viðbótartíma fyrri hálfleiks en þá jafnaði Erin Cuthbert. Allt leit út fyrir framlengingu en þá gerðust ósköpin og aftur skoraði Chelsea í viðbótartíma. Agnes Beever-Jones skoraði á fjórðu mínútu viðbótartímans og kom Chelsea í úrslitaleikinn. Grátlegur endir!

Chelsea sem leiðir deildina mætir Manchester United í úrslitaleiknum í bikarkeppninni. United vann Manchester City 2:0 í dag.