Í síðasta sinn í gegnum Stanley garðinn!

Í á aðra öld hafa Bláliðar gengið í gegnum garðinn yfir til Anfield Road til að takst á við Rauðliða. Nú var það gert í síðasta skipti!

Árið 1892 yfirgaf Everton Football Club Anfield Road og flutti höfuðstöðvar sínar í gegnum Stanley Park og gerði Goodison Park að sínu heimavígi. Í mars þetta ár stofnaði John Houlding knattspyrnufélagið Liverpool Football Club í kjölfar þess að forráðamenn Everton sættu sig ekki við hækkun á leigugjaldi fyrir Anfield. 

Alla tíð síðan hafa stuðningsmenn liðanna farið í gegnum Stanley garðinn þegar borgarslagur hefur verið á dagskrá. Annað hvort í átt að Anfield eða Goodison. Vegalengdin er stutt eða 983 metrar samkvæmt mælingum. Núna á miðvikudagskvöldið gengu stuðningsmenn Everton í síðasta sinn til leiks við Liverpool í gegnum garðinn.

Hér eftir verður heimavígi Everton nirði við Mersey ána. Nýi leikvanguinn er kenndur við hafnarsvæðið Bramley-Moore. Leikvangurinn nýi er heldur lengra frá Anfield en Goodison eða rúma þrjá kílómetra í burtu. Hann telst samt í göngufæri. Á myndinni að ofan er horft frá Anfield í átt að Mersey. Nýi leikvangur Everton er rétt utan myndar til hægri.