Bakverðirnir mætast í kvöld

10 leikmenn Liverpool taka þátt í landsliðsverkefnum í kvöld. Flestir leikirnir eru í Þjóðadeild Evrópu m.a. leikur Grikkja og Skota þar sem vinstri bakverðirnir okkar munu takast á.  

Fyrsti leikur dagsins er viðureign Japan og Bahrain í undankeppni HM. Sá leikur hefst eftir rétt rúman klukkutíma. Hinir leikirnir eru allir í Þjóðadeildinni.

Holland-Spánn (Van Dijk og Gapko)

Grikkland-Skotland (Tsimikas og Robertson)

Ungverjaland-Tyrkland (Szoboszlai)

Búlgaría-Írland (Kelleher)

Króatía-Frakkland (Konaté)

Danmörk-Portúgal (Jota)

Auk þess mætir Georgía Armenum, þar sem Giorgi Mamardashvili mun standa í markinu.

Alls eru 26 leikmenn Liverpool, eldri og yngri,  með landsliðum sínum í þessu landleikjahléi. Af þeim eru 18 sem hægt er að segja að séu í aðalliðinu. 

Ryan Gravenberch þurfti að yfirgefa hollenska hópinn vegna meiðsla. Hann er kominn til Liverpool og verður vonandi ekki lengi frá.

Seinni leikirnir í Þjóðadeildinni eru síðan á sunnudaginn. Eftir það fá okkar menn ágæta hvíld fram að Everton leiknum. Vonandi koma allir heilir heim.
YNWA