Nýtt félagsmet!

Liverpool setti nýtt félagsmet með sigrinum í Leipzig. Sigurinn þýddi að liðið hefur hingað til unnið alla sex útileiki sína á keppnistímabilinu. Það hefur ekki áður gerst í sögu Liverpool Football Club. Frækilegt afrek!

Fram að leiknum í Leipzig hafði Liverpool unnið útisigra á Ipswich Town, Manchester United, AC Milan, Wolverhampton Wanderes og Crystal Palace. Mark Darwin Núnez tryggði svo metsigurinn á Red Bull Leipzig. Sex útisigrar í röð og nýtt félagsmet!

Sigurinn í Þýskalandi þýddi líka að Liverpool hefur unnið 11 af fyrstu 12 leikjum sínum í öllum keppnum á keppnistímabilinu. Liverpool hefur aldrei áður byrjað jafn vel á einu keppnistímabili í sögu sinni sem nær aftur til ársins 1892.

Sannarlega glæsileg byrjun á valdatíð Arne Slot. Vonandi verður framhald á góðu gengi Rauða hersins.