Hefur saknað keppninnar!

Virgil van Dijk segist ekki geta beðið eftir því að Liverpool hefji leik í Meistaradeildinni á nýjan leik. Liverpool var ekki með í keppninni á síðasta keppnistímabili en nú er fyrsti leikur framundan. Á móti AC Milan í Mílanó. 

,,Ég hef saknað keppninnar. Ég get ekki beðið eftir að heyra Meistaradeildarlagið og leiða strákana til leiks. Félag á borð við Liverpool verður að vera með í Meistaradeildinni. Við erum nú loksins með á nýjan leik. Við verðum að spila miklu betur en í dag. Ef við bætum okkur ekki lendum við í vandræðum."

Virgil sagði þetta eftir tapið á móti Nottingham Forest. Fyrirliðinn hefur rétt fyrir sér með að Liverpool þurfi að spila miklu betur en á móti Nottingham Forest. Vonandi taka leikmenn Liverpool sig á fyrir leikinn í Mílanó!