Meira af EM

Fulltrúar Liverpool í Evrópumótinu stóðu í ströngu í annarri umferð mótsins sem lauk um helgina.

Virgil van Dijk leiddi lið Hollendinga sem fyrirliði í markalausu jafntefli þeirra gegn Frökkum. Cody Gakpo lék líka allan leikinn með Hollendingum. Ryan Gravenberch sat á bekknum allan tímann, sem og Ibrahima Konate hjá Frökkum.

Dominik Szoboszlai var einnig fyrirliði Ungverja í 2-0 tapi þeirra gegn Þjóðverjum. Hann var tvívegis nálægt því að jafna leikinn í stöðunni 1-0.

Og þriðji landsliðsfyrirliði Liverpool, Andy Robertson, leiddi lið Skota í 1-1 jafntefli þeirra við Sviss. Xerdan Shaqiri fyrrverandi leikmaður Liverpool skoraði mark Svisslendinga með glæsilegu skoti.

Trent Alexander-Arnold byrjaði öðru sinni á miðjunni hjá Englendingum í 1-1 jafntefli þeirra gegn Dönum. Trent var skipt útaf eftir 54 mínútur. Joe Gomez kom ekkert við sögu.

Diogo Jota var ónotaður varamaður þegar Portúgal tryggði sér sæti í 16 liða úrslitum með 3-0 sigri á Tyrkjum. Það sama á við um Vitezslav Jaros, markvörðinn sem er á láni hjá Sturm Graz í Austurríki - hann var á bekknum í jafntefli Tékka á móti Georgíu.

Við gerum þriðju umferðina upp að henni lokinni.