Kaide Gordon fær nýjan samning

Kaide Gordon hefur fengið nýjan samning við Liverpool. Hann kom til Liverpool frá Derby County í febrúar 2021. Kaide þótti þá einn efnilegasti leikmaður á Englandi af þeim sem spilar fremstu stöður á vellinum. 


Þessi efnilegi leikmaður, sem verður tvítugur í haust, er kominn á ról á nýjan leik eftir erfið meiðsli sem héldu honum frá leik alla síðustu leiktíð. Hann er búinn að spila þrjá leiki á þessu keppnistímabili og alls sjö fyrir félagið. Hann skoraði sitt fyrsta mark á leiktíðinni 2021/22 þegar Liverpool vann 4:1 í FA bikarnum. Kaide nær sér vonandi á strik á komandi misserum því það býr mikið í honum.