Miðasala á Liverpool – Manchester United og félagakerfi

Miðasala

Á fimmtudaginn 30.11.2023 kl. 18:30 opnum við fyrir sölu á miðum á leik Liverpool – Manchester
united sem fer fram sunnudaginn 17. Desember á Anfield í Liverpool. Verð fyrir hvern miða er aðeins
15.000 krónur. Einungis skráðir félagar sem hafa greitt árgjaldið geta keypt miða. Til að kaupa miða
þarf að fara inná sportabler.com eða Sportabler appið og fara inná svæðið sitt hjá Liverpoolklúbbnum
og kaupa miðana þar í gegnum markaðstorgið.
ATH. Þar sem við fengum einungis úthlutuðum 14 miðum og til þess að allir eigi jafnan rétt á að
nálgast miða verður reglan „fyrstur kemur, fyrstur fær“ að gilda
Aðeins eru seldir 2 miðar á mann.
Við getum ekki ábyrgst að miðarnir séu hlið við hlið en við reynum eftir fremsta megni að raða því
þannig niður en því miður fáum við ekki alltaf úthlutað öllum miðum saman. Í flestum tilfellum fær
fólk miða saman. Allar nánari upplýsingar eru veittar í gegnum netfangið [email protected]

Félagakerfi

Varðandi nýja félagakerfið okkar þá er eins og staðan er núna ekki hægt að greiða með greiðslukorti í
gegnum Sportabler en við erum að vinna í því að það verði hægt. Greiðsluseðlarnir sem voru sendir
út eru í nafni Greiðslumiðlunar og eru uppá 4.380kr.