Landsleikjafréttir

Landsliðsmenn Liverpool héldu áfram á sömu braut í síðustu landsleikjum. Þrír skoruðu. Þeir gerðu gott betur en það því hver þeirra skoraði tvennu.  

Mohamed Salah spilaði með Egyptalandi í 0:2 útisigri á Sierra Leone á sunnudaginn. Mahmoud Trezeguet skoraði bæði mörkin. Mohamed lagði annað þeirra upp.    

Ungverjaland vann Svarfjallaland 3:1. Dominik Szoboszlai fór á kostum og skoraði tvö mörk á tveimur mínútum. Gestirnir komust yfir en Dominik sneri leiknum við. Adam Nagy innsiglaði sigurinn og áframhald Ungverja. Fyrra mark Dominik skoraði hann með því að leika á tvo leikmenn. 

Diogo Jota kom ekki við sögu þegar Portúgal vann Ísland 2:0. Hann hvíldi sig á bekknum allan tímann. 

England gerði 1:1 jafntefli í Norður Makedóníu á mánudaginn. Trent Alexander-Arnold spilaði með Englandi. 


Á þriðjudaginn vann Úrúgvæ öruggan sigur 3:0 á Bólívíu. Darwin Núnez hélt áfram þaðan sem frá var horfið í síðasta leik og skoraði tvö mörk. Þetta var þriðja mark hans í þessari landsleikjahrotu. 

Kólumbía vann 0:1 útisigur á Paragvæ. Luis Díaz var í liði Kólumbíu. 


Japan vann 0:5 sigur á Sýrlandi. Wataru Endo spilaði með Japan.  

Hollandi var stóran útisigur 0:6 á Gíbraltar. Cody Gakpo, sem kom inn sem varamaður, skoraði síðasta markið. Virgil van Dijk spilaði fyrri hálfleikinn. 

Nico Williams, fyrrum leikmaður Liverpool, skoraði mark Wales í 1:1 jafntefli við Tyrkland. Danny Ward og Harry Wilson voru líka í liði Wales. 

Írland gerði 1:1 jafntefli við Nýja Sjáland í vináttuleik. Caoimhin Kelleher spilaði fyrri hálfleikinn. 


Tveir af ungu leikmönnum Liverpool fóru á kostum þegar undir 21. árs lið Englands vann Norður Írland 3:0. Tyler Morton skoraði fyrsta markið og Harvey Elliott bætti svo tveimur við. Jarell Quansah var í vörninni. Leikurinn fór fram á Goodison Park í Liverpool. 

Á miðvikudaginn mættust Brasilía og Argentína. Alisson Becker var í marki Brasilíu og Alexis Mac Allister lék á miðjunni hjá heimsmeisturunum. Argentína vann 0:1.