James Milner gengur til liðs við Brighton

Tilkynnt var í dag að James Milner hafi gengið til liðs við Brighton and Hove Albion. Hann er þar með formlega búinn að binda endi á feril sinn hjá Liverpool. Hann kom til Liverpool á frjálsri sölu frá Manchester City sumarið 2015. Varla er hægt að nefna öflugri liðsmann Rauða hersins á þeim tíma sem hann hefur verið fulltrúi Liverpool. 


James hefur nú gert samning við Brighton. Mávarnir hafa ekki átt betra keppnistímabil í efstu deild og leika í Evrópudeildinni á komandi leiktíð. James Milner vildi halda áfram að spila og var ekki tilbúinn að leggja skóna á hilluna. Það er því þess að vænta að James muni ekki láta sitt eftir liggja með Brighton sem verður sjötta liðið sem James spilar með. Hér að neðan er listi yfir liðin. 



James Milner lék 332 leiki með Liverpool og skoraði 26 mörk. Að auki átti hann 45 stoðsendingar. James vann Englandsmeistaratitilinn, FA. bikarinn, Deildarbikarinn, Samfélagsskjöldinn, Evrópubikarinn, Stórbikar Evrópu og Heimsmeistarakeppni félagsliða með Liverpool. Sem sagt allt sem hægt er að vinna. Reyndar ekki Evrópudeildina en hann lék úrslitaleik í henni með Liverpool sem tapaðist. 

James Milner verður sárt saknað hjá Liverpool. En á móti kemur að Brighton fær öflugan liðsmann. Knattspyrnuferill James Milner heldur áfram!