Æfingar hefjast 8. júlí

Leikmenn Liverpool eru komnir í sumarfrí. Þeir eiga að mæta aftur til æfinga laugardaginn 8. júlí. Liðshópurinn og starfafólk heldur svo í æfingabúðir í Þýskalandi. Reiknað er með að Liverpool spili tvo vináttuleiki gegn þýskum liðum.

Sem fyrr segir eiga leikmenn Liverpool að mæta til æfinga 8. júlí. Undan eru skildir þeir leikmenn sem spila með landsliðum sínum á næstunni. Þeir eiga að fá minnsta kosti þrjár vikur í frí eftir að landsleikjunum lýkur.