Darwin Núnez fær lengra sumarfrí

Darwin Núnez fær frí frá landsleikjum Úrúgvæ sem fara fram á næstunni. Þetta kemur sér mjög vel því hann er að ná sér af meiðslum sem hann varð fyrir undir lok leiktíðarinnar. Darwin meiddist á tá og gat af þeim sökum ekki spilað þrjá síðustu leiki Liverpool á keppnistímabilinu. En núna fær hann lengra sumarfrí sem er mjög gott. 


Darwin kom til Liverpool í fyrrasumar. Hann spilaði 45 leiki með Liverpool og skoraði 15 mörk. Að auki lagði hann upp fjögur. Hann vann Skjöldinn í sínum fyrsta leik með Liverpool.

Sumum fannst Darwin Núnez ekki standa undir væntingum á fyrsta keppnistímabili sínu. Það er svo sem nokkuð gott að skora 15 mörk. Það verður spennandi að sjá hvernig honum vegnar á næstu leiktíð.