| Heimir Eyvindarson

Verdi ferðaskrifstofa þjónustar Liverpoolklúbbinn

Kæru félagsmenn. Frá árinu 2009 höfum við í Liverpool klúbbnum verið í góðri samvinnu við VITA ferðir varðandi ferðir á leiki hjá okkar mönnum í Liverpool. Þar hefur Lúðvík Arnarson, eða bara hann Lúlli okkar, verið okkar helsti tengiliður.

Lúðvík hefur um árabil átt félagið VITA Sport sem er nú orðið að VERDI. Sú ákvörðun hefur nú verið tekin að sameina VERDI og Ferðaskrifstofu Akureyrar, en það félag var í eigu Lúðvíks um árabil og hefur VITA unnið mjög náið með þeim í gegnum tíðina.


Til að byrja með verður aðstaða VERDI í Ármúla 11, á annarri hæð, en kemur til með að færa sig í Smárann síðar á árinu. Allt er þetta gert í mesta bróðerni og mikill eldmóður í starfsfólki nýja fyrirtækisins VERDI, sem hlakkar mikið til að halda áfram að þjónusta Liverpool klúbbinn okkar áfram á sama góða máta og verið hefur.

Við óskum Lúlla og hans fólki velfarnaðar að sjálfsögðu og hlökkum til samstarfsins.

YNWA

TIL BAKA
Nýlegar fréttir
Fleiri fréttir
Fréttageymslan