Fulltrúar Liverpool í Katar

Kynningunni á fulltrúum Liverpool í Katar er framhaldið. Þriðji í röðinni er fyrirliði hollenska landsliðsins. Hér kynnum við Virgil van Dijk.  

Nafn: Virgil van Dijk.

Fæðingardagur: 8. júlí 1991.

Fæðingarstaður: Breda í Hollandi. 

Staða: Miðvörður.


Félög á ferli: Groningen, Celtic, Southampton og Liverpool.

Fyrsti landsleikur: 10. október 2015 gegn Kasakstan.

Landsleikjafjöldi: 49.

Landsliðsmörk: 6.

Leikir með Liverpool: 202.


Mörk fyrir Liverpool: 17.

Stoðsetningar: Sex.


Hvernig gekk á síðustu leiktíð? Virgil kom sterkur til leiks eftir alvarleg krossbandameiðsli. Hann tók upp þráðinn í hjarta varnar Liverpool og var mjög góður. 


Hver eru helstu einkenni okkar manns? Virgil er stór, sterkur og fljótur. Hann býr yfir mikilli knatttækni og er mjög yfirvegaður í leik sínum.

Hver er staða Virgil í landsliðinu? Hann hefur verið fastamaður í hollenska liðinu síðustu árin. Virgil hefur verið fyrirliði landsliðsins frá því 2018. 


Hvað um Holland? Hollenska liðið hefur verið í uppbyggingu síðustu árin. Liðið er vel mannað og ef vel tekst til er alls ekki útilokað að það geti náð langt í þessari keppni.  

Alþjóðlegir titlar Hollands: Evrópumeistarar landsliða 1988.

Besti Hollendingur allra tíma? Johann Cruyff. Þessi snillingur hóf ferilinn á unga aldri með Ajax áður en hann lagði heiminn að fótum sér með Barcelona. Endaði svo ferilinn heima í Hollandi. Vann þó aldrei stórtitil með hollenska landsliðinu!  


Vissir þú? Þegar Virgil var í unglingaliði Willhelm ll vann hann fyrir sér sem uppvaskari á veitingahúsi.  

Helsta heimild: http://www.lfchistory.net